विक्रांत पाटील यांनी वयाच्या १६ व्या वर्षापासून समाजकारण व राजकारणात सक्रिय सहभाग घेतला. विद्यार्थी आणि युवांचे असंख्य प्रश्न कायमच मनाला वेदना देत होते, त्यामुळे या विषयावर काम केले पाहिजे असं मनाशी घट्ट करून बाहेर राहून केवळ बघत राहण्या पेक्षा प्रत्यक्ष या प्रक्रियेत उतरून विद्यार्थ्यांना न्याय मिळवून देण्याचा प्रयत्न करता येईल का हा विचार मनात ठेवून सक्रिय राजकारणात प्रवेश केला. भारतीय जनता पार्टीची सर्वसमावेशक विचारधारा आणि शेवटच्या व्यक्तीच्या डोळ्यातील अश्रू पुसेपर्यंत कार्य करत राहण्याची पंडित दिनद्याल उपाध्याय यांची अंत्योद्याची शिकवण याने प्रभावित होऊन भारतीय जनता युवा मोर्चाच्या विद्यार्थी विभागाची मंडल स्तरावरची पहिली जबाबदारी स्विकारली.